AĞDAM-Axıdılan hər qram qan bir parça torpaq deməkdir!!!

Əziz ata, salam! Necəsən? Məndə hər şey həmişəki kimidir. Amma çox soyuqdur. Qış gəlib. Tezliklə qar yağacaq.Tək olanda soyuğu bərk hiss edirəm!
Ayrılığımızın 15 ili tamam oldu. Mən sənə çox yazırdım.Sənsiz keçən həyatımı sənə başa salırdım. Amma sən mənim məktublarımı almamısan. Bəlkə almısan,amma heç oxumamısan. Kim bilir, bəlkə məsləhət belə imiş. Ancaq bilirəm ki,oxusaydın vicdan əzabı çəkərdin, narahat olardın. Mən sənin oğlunam və hər şeyi başa düşürəm sənin üçün ağır olardı və yəqin ki, xoşuna gəlməzdi. Ona görə də çox vaxt susuram və özümü elə aparıram ki, guya mən hər şeyə dözə bilirəm. Həqiqətən hər şey normaldır. sən məni itirdikdən sonra, mən onların dilində danışmağı öyrənmişəm. İndi mən təkcə onların dilində danışıram. İlk zamanlar çətin idi. Mənə deyirdilər ki, ana dilini unuda bilmərəm, çünki genetik əsası var dilimizin. Ancaq o dili amansız məhv edirdin,dağıdırdın.
Ata, sən istəyirdin ki, mən çoxlu dillərdə danışa bilim. Bunu mən unutmaram. Sən o biri uşaqlarını da məcbur edirdin ki, kələ-kötür də olsa, müxtəlif dillərdə danışsınlar. Qonaqların xətrinə dəymək istəmirdin. Mən təəccüblənirdim. Öz-özümə deyirdim ki, axı niyə sən qorxmalısan qonaqlar yox? Eh…Bizdə hər şey tərsinə. Bu 15 illik ayrılıq ərzində arıqlamışam, kobudlaşmışam. O vaxtkı mehribanlığımdan əsər-əlamət qalmayıb.Kim bilir, bəlkə bu hərbi ciddilik mənə daha çox yaraşır. Mən indi kişiləşmişəm və kifirləşmişəm. Bu da əbəsdir, Ata! Heç bilmirəm nəyimə lazımdır bunlar.Kimi mən qorxuda bilərəm bu kişiliklə? Səni?
Ata, birlikdə olduğumuz günlər üçün darıxıram… Biz ayrılandan sonra mən hər gün müxtəlif yuxular görürəm. Yuxuda biz bir yerdəyik. Doğma dilimizdə danışırıq. Qəfildən oyanıram. Ruhum ağlayır, ata, Ruhum. Bilirsən, ata, mən sənə demək istəmirdim, amma mənim adımi da dəyişiblər. Bağışla, amma mənə öz adlarını veriblər.İndi mənim adım A… ilə başlayır. Yox, yox ardını yazmayacağam. Sənin xoşuna gəlməz. Sənin kefini pozmaq istəmirəm. Sənin başın vacib işlərə qarışıb, səni vacib işlərdən ayırmaq istəmirəm. Nahaq yerə bunu sənə yazdım səni vacib işlərdən ayırdım. Amma inan ürəyim bulanır! Ətrafda bircə dənə də olsun doğma adam yoxdur. Hər tərəfdə onlardır… Çalışırlar mənim ruhumu dəyişsinlər özlərinə oxşatmaq istəyirlər. Ata, mənim müqavimət göstərməyə taqətim qalmayıb. Mən susuram və bütün təhqirlərə və rəzilliklərə dözürəm.Mən öz halıma öyrəşmişəm. Bilirsən, ata, 15 il köklərimi qırıb atmağa kifayət deyil! Lakin bu köklərin üstündə yeni nəsil törətməyə 15 il yetər. Ola bilsin, biz nə vaxtsa görüşdük. Amma o vaxt sən məni tanımayacaqsan. Hərcmərclik və mənə edilən haqsızlıq mənim şüurumda dərin və silinməz iz buraxıb. Bax bunu mən sənə ata, heç vaxt bağışlamaycağam!
P.S. Axmaq suala görə üzr istəyirəm.Bəs sən məni qaytarmaq istəmirsən?
İmza: Sənin oğlun QARABAĞ
Həəə… BU gün də Ağdamın işğalından 15 il keçir. Nece deyerler DÜSMƏN UNUDULUR RƏQƏM ƏZBƏRLƏNİR. Bəs yaxşı görəsən heç olmasa nə qədər azərbaycanlı bu günü Ağdamın işğalı günü kimi bilir.Deyesen heç rəqəm də əzbərlənmir.Yaxşı onda heç olmasa bunları bilək:
1993-cü ilin iyulun 23-də Ermənistan silahlı qüvvələri Ağdam rayonunun əksər hissəsini zəbt ediblər.
Ağdam rayonu Azərbaycan respublikasında inzibati rayondur. 1930-cu ildə təşkil edilmişdir. Qarabağ silsiləsinin şimal- şərq ətəklərində, Kür – Araz ovalığının qərbindədir. Sahəsi 1094 km2, əhalisi 101.6 min nəfərdir. Rayonda 1 şəhər, 119 kənd və qəsəbə var. Mərkəzi Ağdam şəhəridir.
Ağdam rayonunun relyefi əsasən düzənlik, qismən dağlıqdır. Ərazidə geniş yer tutan Qarabağ və Mil düzləri cənub- qərbdən şimal-şərqə doğru tədricən alçalır.Rayonun cənub-qərbində Qarabağ silsiləsinin şimal burnunun maksimum hündürlüyü 1365 metrə çatır. Rayonun düzənlik hissəsində Antropogen və Neogen, dağlıq hissəsində isə Təbaşir və Yura çöküntüləri yayılmışdır.Əhəngdaşı və s. tikinti materialı (sement xammalı, çınqıl, qum) yataqları var. İqlimi, əsasən mülayim isti və quraq subtropikdir.
Əhalisinin orta sıxlığı 1km2-də 92.9 nəfərdir. Ağdam şəhərində, Mərzili, Seyidli, Qiyaslı, Xıdırlı və Zəngişalı iri yaşayış məntəqələridir.
Ağdam rayonu yeni yaradılmış olan ağır,yeyinti ,yüngül sənaye və inkişaf etmiş kənd təsərrüfatı rayonudur. Rayonun kənd təsərrüfatında pambıqçılıq, üzümçülük, heyvandarlıq və taxılçılıq mühüm yer tutur.
Ağdam rayonu ərazisindən Yevlax – Laçın – Naxçıvan , Ağdərə – Füzuli magistral şose yolları keçir.
Rayonda 34 uşaq bağçası və körpələr evi var idi. 89 ümumtəhsil məktəbində (16 ibtidai, 36 səkkizillik, 37 orta) 30 086; 4 fəhlə gənclər; 1 qiyabi orta; 2 kəndli gənclər məktəbində 1201 nəfər, 4 orta ixtisas təhsili məktəbində (k.t, k.t-nın mexanikləşdirmə və elektrikləşdirilməsi texnikumları, musiqi və tibb məktəbləri) 1269 şagird təhsil alırdı. Dram teatrı, Ölkəşünaslıq muzeyi, 71 kitabxana, 13 mədəniyyət evi, 27 klub fəaliyyət göstərirdi.
Xaçıntürbətli kəndindəki Qutlu Musa oğlu türbəsi (1314) və Kəngərli kəndindəki türbə (14 əsr ) rayonun ən qədim memarlıq abidələridir. Papravənd kəndində 18-ci əsrə aid 2 türbə, məscid və s. var.
Ağdam şəhəri 80 kəndlə bir yerdə işğal altındadır. 130 minə yaxın ağdamlı indi məcburi köçkündür. Ağdam uğrunda döyüşlərdə Azərbaycan tərəfdən 6 mindən çox adam həlak olub.
İşğal nəticəsində rayona 13 milyard ABŞ dollarından çox ziyan dəyib.
Hazırda rayonunun inzibati mərkəzi Quzanlı kəndində yerləşir.

AĞDAM-Axıdılan hər qram qan bir parça torpaq deməkdir!!!” üzərinə bir şərh

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma