Hamann BMW X5-i təqdim edir November 18, 2008
Posted by nextaz in .::Avto::., .::Dünya::., .::Gənclik::., .::Xəbərlər::., .::Əyləncə::..Tags: BMW X5, Hamann BMW X5-i təqdim edir, X5
add a comment
Yolları çoxlu avtomobillər bürüyüb, amma onların arasında cəmi bir lider var. O, bir an içərisində əvvəlki liderin yerini tutub və getdikcə mövqeyini daha da gücləndirməkdədir. Onun bir çox rəqibləri olsa da, hələlik ona layiqli əvəz tapmaq çətindir. 4,8 litr həcmli mühərriki olan BMW X5 şəksiz üstünlüklərə malik olsa da, sayıqlığını itirməməlidir, çünki rəqibləri dərhal onu haqlaya və ötə bilərlər. Məhz buna görə BMW konserni avtomobilin tam komplektasiya və texniki yeniliklərlə təchiz olunması üçün Hamann atelyesindən olan təchizatçılara müraciət edib. Özü də yeniliklər təkcə lider modelə deyil, onun iki “soydaşına” da şamil olunacaq. İndi X5, həqiqətən, yollarda tam təhlükəsizliyi təmin edəcək. Alman ustalar öz arzu və fantaziyalarını gerçəkliyə çevirmək üçün bacardıqlarını ediblər.X5-in hədsiz gücünü və unikallığını hiss etmək üçün ona ani nəzər salmaq kifayətdir. O, kifayət qədər mürəkkəb konstruksiyalı yeni bamper əldə edib. Havaçəkənlər və müxtəlif dalğavarı cizgilər isə ona daha sanballı görkəm verib. İndi X5 öz rəqibini nəinki haqlamağa, həm də xarici görkəmi ilə vahiməyə salmağa qadirdir. Rəqibinin isə, sadəcə, vahimə ilə bu nəhəngi seyr edərək onun yolundan çəkilməkdən başqa çarəsi qalmayacaq. Yuxarıda qeyd edilən hissə və detallarla yanaşı, X5 həmçinin xüsusi sifariş əsasında hazırlanmış “Black Line” adlı 22 düymlük disklər əldə edib. Şinlərin ölçüsü 295/30-dur.
Biksenon işığı ilə göz vuraraq və öz “qurbanını” (yəni rəqibini) səkiyə sıxışdıraraq BMW əla arxa spoyleri ilə havanı yararaq uğultu ilə irəli şütüyür, rəqibinə isə yalnız onun uzaqlaşan siluetinə mat-mat baxmaq qalır. Bamperin aşağı hissəsi diqqəti cəlb edir. Burada irəliyə çıxmış dörd zolağı görmək olar. Bu, necə deyərlər, Bavariya istehsalçısının səciyyəvi cizgisidir. Yan tərəflərdə simmetrik şəkildə yerləşmiş səsboğucu sistemin boruları eleqant görkəmi ilə seçilir. Onların nəriltisi istənilən anda ətrafa yayıla bilər. (davamı…)
Ömrünüzü 17 il uzatmaq istəyirsiniz? November 17, 2008
Posted by nextaz in .::Maraqlıdır::., .::Xəbərlər::..Tags: Add new tag, Apple, Ömrünüzü 17 il uzatmaq istəyirsiniz?, NextAz
add a comment
Alma insan orqanizminin cavan qalmasına kömək edir…
İngiltərənin Noriç Universitetinin alimləri belə bir qənaətə gəlib. İTAR-TASS xəbər verir ki, alimlər almanın tərkibində ürəyi cavanlaşdıran, qan dövranını yaxşılaşdıran, immuniteti gücləndirən mürəkkəb element aşkar ediblər. «Epaktehin polifenol» adlı element ürək-damar sisteminə ən yaxşı təsir edən və damarların elastikliyini qoruyub saxlayan nadir maddələrdən biridir. (davamı…)
Amerikalılar ən güclü superkompüter yaradıblar November 13, 2008
Posted by nextaz in .::IT::., .::Maraqlıdır::., .::Xəbərlər::., Komputer.Tags: Amerikalılar ən güclü superkompüter yaradıblar, NextAz, Super Computers
add a comment
ABŞ Energetika Nazirliyinin laboratoriyasında yenicə quraşdırılmış Jaguar superkompüterinin maksimal məhsuldarlıq göstəricisi 1,64 petaflop təşkil edir. Xatırladaq ki, bundan əvvəl ən güclü superkompüter IBM şirkətinin 1,026 petaflop göstəricili Roadrunner adlı superkompüteri hesab olunurdu. 45 min ədəd AMD Opteron prosessoru bazasında yığılmış nəhəng qurğu 362 terabayt operativ yaddaş həcmi ilə təchiz olunub.
Alimlər Jaguar-ı, məsələn, iqlimi dəyişikliklərin modelləşdirilməsi üçün istifadə etmək niyyətindədirlər. Həmçinin yeni superkompüter bərpa olunan enerji mənbəyinə dair işlərə yönəldilə bilər. 2009-cu ilin əvvəlinə kimi yoxlama mərhələsində qalacaq Jaguar artıq 1,3 petaflop məhsuldarlıq göstəricisi tələb edən test hesablamaların aparılması üçün istifadə olunub.
Yaponiyyada internet sürəti 1gbps olacaq November 10, 2008
Posted by nextaz in .::Dünya::., .::IT::., .::Maraqlıdır::., .::Xəbərlər::., Komputer.Tags: internet, NextAz, Yaponiyyada internet sürəti 1gbps olacaq
add a comment
INTERNET
Yapon İnternet Provayderi 1 Gbps sürətli internet xidməti göstərməyə hazırlaşır.Yaponiyanın KDDİ şirkəti 56 $(dollar)-a 1 Gbps(Giga Bytes Per Second = Saniyədə 1 Giga Bit) sürətli internet xidməti verməyə hazırlaşır.
Təsəvvür edirsiz bu nə deməkdir? Bir az da aydınlaşdıraq. Hal-hazırda mən Dial Up modemlə internetə bağlanıram. Mənim bilgisayarımın bağlantı sürəti 56 kbps-ə bərabərdir… 1mbps=1000 kbps, 1Gpbs=1000mbps, 1Gbps=1000000Kbps
Dövlət qurumlarında elektron xidmət November 8, 2008
Posted by nextaz in .::Azərbaycan::., .::Siyasət::., .::Xəbərlər::..Tags: Dövlət qurumlarında elektron xidmət, NextAz, Qaynar xətt
add a comment
16 dövlət qurumu tərəfindən heç bir xidmət elektron formada təqdim olunmur. Yalnız 5 dövlət qurumunun saytında Qaynar Xətt xidməti haqqında məlumat qoyulub.Multimedia Mərkəzi dövlət qurumları tərəfindən elektron formada təqdim olunan xidmətlərin Monitorinqini aparıb. Monitorinq “İnformasiya azadlığının inkişafı üçün çevik və effektiv mexanizmlərin yaradılması” Layihəsi çərçivəsində keçirilib.
Monitorinq prosesində dövlət orqanları tərəfindən elektron formada təqdim olunan müxtəlif xidmətlərin (müraciətlər, ərizələr, sorğular, qəbula yazılmaq, elektron formalar, elektron bəyannamələr, Qaynar xətt və s.) mövcudluğu və işləməsi vəziyyəti araşdırılıb.
Hər bir dövlət qurumu üzrə elektron formada göstərilən xidmətin adı, əldə olunması və istifadə qaydasını özündə əks etdirən məlumat toplusu hazırlanıb və www.informasiya.org saytında yerləşdirilib.
Monitorinq prosesində elektron xidmətlər üzrə 50 dövlət qurumunun rəsmi internet resursları ( Prezidentin, Milli Məclisin Nazirlər Kabinetinin , Nazirliklərin, Dövlət Komitələrinin, İcra hakimiyyətlərinin , Məhkəmələrin və s ) analiz olunub.
Monitorinq nəticəsində məlum olub ki, az sayda olsa da ayrı-ayrı dövlət qurumları tərəfindən klassik formada təklif olunan adi xidmətlərin addım-addım elektron formaya keçirilməsinə başlanıb. Əksər dövlət qurumları tərəfindən yalnız müraciət, əlaqə və sual-cavab üçün, müxtəlif formaların əldə olunması üçün elektron formadan istifadə olunur. 16 dövlət qurumu tərəfindən heç bir xidmət elektron formada təqdim olunmur. Yalnız 5 dövlət qurumunun saytında Qaynar Xətt xidməti haqqında məlumat qoyulub. Bir dövlət qurumunun təqdim etdiyi xidmət istisna olmaqla, vətəndaşlar və hüquqi şəxslər üçün ciddi əhəmiyyət kəsb edən xidmətlərin heç birisi elektron formaya keçirilməyib.
Ölkədə hələ də “Elektron hökumət” quruculuğu üzrə konkret Proqram qəbul edilmədiyindən, infrastruktur problemləri həll olunmadığından, hökumət tərəfindən zəruri elektron xidmətlərin Baza siyahısı təsdiqlənmədiyindən, həmçinin lazımi maarifçilik işləri aparılmadığından vətəndaşların böyük əksəriyyəti bu imkanlardan yararlana bilmirlər.
Layihə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə həyata keçirilir.
Ölkə kodlu domen adları ilə bağlı Qaydalar layihəsi müzakirəyə çıxarılır November 8, 2008
Posted by nextaz in .::Azərbaycan::., .::Dünya::., .::IT::., .::Maraqlıdır::., .::Xəbərlər::., Komputer.Tags: Ölkə kodlu domen adları ilə bağlı Qaydalar layih, Domain names
add a comment
Rabitə və İnformasiya Texnologiyaları Nazirliyi tərəfindən hazırlanmış “Azərbaycan Respublikasında ölkə kodlu domen adların qeydiyyatı və istifadəsi Qaydaları” layihəsi geniş müzakirələr üçün ictimaiyyətə təqdim olunur. Qaydalar layihəsini buradan yükləmək olar. Həmin məsələ ilə bağlı rəy və təkliflərinizi ici-bp@mincom.gov.az elektron ünvanına göndərə bilərsiniz.
Benzin erası bitir November 6, 2008
Posted by nextaz in .::Avto::., .::Dünya::., .::Maraqlıdır::., .::Xəbərlər::..Tags: .::Avto::., Benzin erası bitir, BMW, NextAz
add a comment
BMW elektriklə işləyən avtomobil təqdim edirBMW avtomobil qrupu tərəfindən satın alınandan bəri hər yeni modeliylə könülləri fəth edən MİNİ-nin yeni modeli də könülləri oxşadı. MİNİ E adlanan yeni model lityum-iyon batareya ilə işləyən mühərrikə sahibdir və tamamilə elektriklə işləyir. Yeni model noyabrda keçirilməsi planlaşdırılan “Los Angeles Avto Show” sərgisində təqdim ediləcək..
MİNİ E şəhərdaxili istifadə üçün nəzərdə tutulub.
2009-cu ildə 500 ədəd istehsal ediləcək maşının mühərikinin gücü 204 at gücünə bərabərdir. 1465 kq ağırlığında olan avtomobil 100 kilometr/saat sürəti 8.5 saniyədə yığa bilir.
Hələlik maşının satış qiyməti bəlli deyil.
MSN-i vəsiyyət edilə bilərik November 6, 2008
Posted by nextaz in .::Dünya::., .::IT::., .::Maraqlıdır::., .::Xəbərlər::., Komputer.Tags: MSN, MSN-i vəsiyyət edilə bilərik, NextAz, Wordpress.com
add a comment
Bloglarınızın, saytlarınızın, materiallarınızın başına nə gələcək?Bir MSN hesabının, şəkillərin, ya da blog yazılarının sahibi olan şəxs həyatla vidalaşdığında, bu şəxsin internetdə dərc etdiyi materiallar nə olacaq? Hadisəyə hüquqi baxımdan yanaşıldıqda problemin cavabı əslində çox sadə olduğu görünür. “OUT-LAW.com” saytında redaktor olaraq işləyən Struan Robertsona görə, ölən adam sahib olduğu bütün materialları öldüyü zaman başqa birisinə miras buraxa bilər. Robertsonun bu mövzudakı düşüncəsi isə belədir: “Əgər istəsəm, ölümümdən əvvəl internetdə mövcud olan fotoşəkillərimi və ya başqa materialları tanıdığım bir tanışıma verə bilərəm. Bunu etmədiyim təqdirdə 70 il boyunca bu materiallar internetdə yayımlanacaq və 70 ildən sonra dərhal yayımını dayandıracaq.”
Ölümdən sonra veb saytların domenlərinin vəziyyəti barədə bir az fərqli danışmaq olar. Bir domen aldıqda, bu domen istifadəsi 2 illik müddəti əhatə edir. Domenin istifadə müddəti bitdikdən sonra domenin istifadə hüquqları sizin əlinizdən alınır.
Bloq sistemində vəziyyət isə fərqlidir. Məsələn WordPress.com, hər hansı bir bloq hesabı passiv vəziyyətdə olsa belə, bu hesabı bağlamır, bloq hər zaman açıq qalır…
Bu mövzuya geniş yer ayıran məhşur “Forbes” jurnalına görə, əgər istifadəçilər öldükdən sonra hesablarıyla əlaqədar planları varsa, bu vəziyyətdə istifadəçilərin istifadəçi adı və şifrələri kimi gizli məlumatları güvəndikləri adamlara verməyi təklif edir.
Dizayn və sayt November 4, 2008
Posted by nextaz in .::IT::., .::Xəbərlər::., Komputer.Tags: Dizayn və sayt
add a comment
İnternet səhifəsini(saytını) rəqiblərdən fərqləndirərkən , müştərinin qarşılaşdığı ilk nüans səhifənin dizaynıdır. Məhz səhifəsinin(saytının) dizayn keyfiyyəti, üslub orijinallığı şirkətin səviyyəsindən xəbər verir. Dizaynın tərtibat səviyyəsi və keyfiyyəti həm də şirkətinizi dəqiq mövqeləndirərək Sizin müştərilərə olan hörmətinizi nümayiş etdirir. Bu, peşəkarlığınızın və əvəzolunmazlığınızın daha bir sübutudur, çünki vacib informasiya axtarışında istifadəçilər rəqiblərinizin də səhifəsinə(saytına) mütləq müraciət edəcək, bu zaman şirkətinizin sözün yaxşı mənasında fərqinizi duyacaqlar.
İnternet səhifəsinin(saytın) dizaynı – səhifədə(saytda) təqdim edilmiş məlumatların görüntüsünü və bölmələr üzrə naviqasiyanı asanlaşdıran qrafik konsepsiyadır. Buna görə də saytı informativ etməkdən əlavə qeyri-adi, yaddaqalan, cəlbedici dizaynla təchiz etmək çox vacib, hətta zəruridir.
İnternet sayt dizaynı yaradarkən aşağıdakı məsləhətlərdən yararlanmaq yaxşı olardı:
səhifənin dizaynı izafi elementlərlə “yüklənməməli”, yorucu və bezdirici olmamalı, ziyarətçinin istədiyi informasiya almasına maneə törətməməlidir;
dizayn yaddaqalan və cəlbedici olmaqla ziyarətçini tezliklə yenidən səhifəyə(sayta) keçid almağa sövq etməlidir;
səhifənin(saytın) dizaynında naviqasiya sisteminin rahatlığına xüsusi diqqət yetirilməlidir, çünki naviqasiya rahatlığı ziyarətçinin gözündə resursun dəyərinin birə-min artmasına şərtdir.
Beləliklə, veb dizayn – istifadə rahatlığı və şirkətinizin imici və fəaliyyətinə assotiativ uyğunluğu əks etdirən orijinal vizual həlldir. Dizaynın hazırlanması zamanı müştərinin korporativ üslubunun qoyduğu bütün tələblərə əməl olunması vacib şərtlərdəndir. ümumiyyətlə isə qeyd etməliyik ki, hər bir ziyarətçi səhifənin(saytın) dizaynını qiymətləndirərkən öz şəxsi zövqünə və təcrübəsinə əsaslanır. Bu səbəbdən də biz o dizaynı uğurlu hesab edirik ki, o aid olduğu səhifənin(saytın) xarakterini açır, ziyarətçinin nəzərinə həddən artıq çarpmayaraq yadında rahat qalır və onun diqqətini şirkətinizin marağında olan xüsusi məqamlara yönəldir.
Nəzərinizə çatdırımki bizdə təşkilat,şirkət və başqa sahələr üçün tanıtım saytlarının yaradılması ilə məşğul oluruq.Sərfəlilik və keyfiyyət bir arada
